Капитенот на Шкендија, Арменд Алими е презадоволен од последната убедлива победа против Шкупи со која јасно се потврди дека „црвено-црните“ и оваа сезона се доминантен тим во шампионатот.
Според Алими, Шкендија уште еднаш повеќе од заслужено чекори кон шампионската титула…
„И оваа победа против Шкупи потврдува за доминантниот начин на кој чекориме кон титулата. Сосема заслужено доаѓа одбраната на трофејот. Тимската игра е таа која пролетва ја краси Шкендија“ – нагласува Алими, кој е среќен што повторно доаѓа поддршката од трибините.
„На последниот натпревар против Шкупи имавме огромна поддршка од навивачите кои се враќаат на трибините. Тие се наш дванаесетти играч. Ни даваат силен мотив. Сакаме до крајот на првенството да им се оддолжиме со нови победи“ – вели Алими.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
