ЕКИПА во Манчестер,
Владимир Булатовиќ
Езгијан Алиоски долги години играјќи за Лидс остави силна трага во островскиот фудбал и Премиерлигата.
Популарниот Џани верува дека секој од македонските репрезентативци ќе даде се од себе на утрешниот натпревар, затоа што „Олд Трафорд“ и Англија се огромна мотивација кај секој од фудбалерите.
„Ги гледам денеска сите мои соиграчи и може слободно да кажам дека ова е специјален момент за сите, посебно за играчите кои се првпат во Англија и гледале натпревари на овој терен од Лигата на шампионите и од Премиерлигата. Јасно е дека се возбудени, сите ќе уживаме, а ако сме подготвени ментално и имаме дисциплина, можеме да направиме нешто тука. Сите знаеме дека нема да биде лесно, дека Англија е голем фаворит, ама ние никогаш не губиме надеж и не се предаваме. Затоа дојдовме тука, да играме“ – изјави Алиоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
