Македонскиот репрезентативец Езгјан Алиоски се најде во стартната постава на Лидс Јунајтед, кој славеше на гостувањето кај Астон Вила со 0-3 во 6. коло од англиската Премиер-лига. Лидс и го нанесе првиот пораз на Астон Вила сезонава, а херој на гостите беше Патрик Бамфорд кој забележа хет-три. Првиот гол го постигна во 55. минута, вториот дванаесет минути подоцна, додека конечните 0-3 ги постави во 74.минута. Македонскиот интернационалец ги одигра сите 90. минути, а во 55. заработи жолт картон.
Со овој триумф Лидс изби на третата позиција на првенствената табела со 10 бода, односно два помалку од денешниот противник кој останува второпласиран.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
