Алушовски избра 21 „вардарец“, останатите се селат во Работнички

Тренерот на Вардар, Стевче Алушовски, избра 21 ракометар на чии услуги ќе смета во новата сезона во која „црвено-црните“ треба да се натпреваруваат во ЛШ и во СЕХА, за потоа во вториот дел од сезоната да се приклучат и во плејофот од домашното првенство. Во изминатиот период стратегот на „вардарци“ имаше на располагање и млади играчи кои минатата сезона настапуваа за Вардар Јуниор, им даде шанса на сите на почетните тренинзи пред да го донесе конечниот избор.

Оние ракометари кои не се најдоа на овој завршен список на Алушовски, сезоната ќе ја минат на позајмица во Работнички.

„Алушовски реши со првиот тим да тренираат Мартин Карапалевски, Давид Гашоски и Давид Савревски. Другите ќе бидат отстапени во тимот на Работнички каде тренер ќе биде Стојан Петрушевски. Таму уште ќе играат: Стефан Атанасовски, Ален Ќосевски, Васил Гогов, Стефан Крстевски и Давид Саревски. Младиот Саревски ќе тренира со првиот тим на Вардар, а ќе настапува за Работнички“, информираат од таборот на Вардар.

По откажувањето на настапот на турнирот во Кањижа, останува учеството на турнирот во Струга. Се разговара за одигрување на уште неколку конролни средби, со цел да се биде темпирана формата за 29 август кога во Скопје би требало да гостува Нексе. Тој натпревар е закажан од страна на СЕХА лига, како реванш четвртфинален од минатата сезона. На првиот меч Вардар победи со 31-30. Победникот од овој дуел треба да настапи на завршниот Ф4 турнир во Задар планиран за почетокот на септември.

Во сезоната 2020/2021 тимот на Вардар ќе го сочинуваат:

ГОЛМАНИ
Борко Ристовски
Робин Кантагрел
Марко Кизиќ

ПИВОТМЕНИ
Стојанче Стоилов
Глеб Калараш
Давид Гашоски
Патрик Валчак

КРИЛА
Димитар Димитриоски
Тимур Дибиров
Гоце Георгиевски
Иван Чупиќ

БЕКОВИ
Мартин Карапалевски
Кристијан Дисингер
Филип Талески
Анте Гаџа
Томислав Јагуриновски
Марко Вујин
Јосип Векиќ
Давид Савревски
Ловро Јотиќ
Марко Мишевски