Европскиот првак Вардар загуби од Монпелје на домашен терен и на шестото место го заокружи групниот сегмент од Лигата на шампионите. Со кус ростер, неколку повредени ракометари, тренерот Стевче Алушовски е тажен поради поразот, но истовремено и среќен за блесокот на младиот голман Кизиќ, горд на навивачите и на играчите.
„Имам измешани чувства, тажен сум што изгубивме, но среќен што покрај сите проблеми, краток ростер, дадовме максимум. Среќен сум за Кизиќ кој втор натпревар е одличен, горд сум на клубот, на навивачите на играчите. Дури на крајот мислам дека малку и немавме среќа, важно е дека покажавме карактер“, изјави Стевче Алушовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
