Младата американска тенисерка Кори Гоф продолжи со феноменалните игри на Вимблдон, откако во 3. коло ја совлада Полона Херцог од Словенија со 2-1 (3-6, 7-6 и 7-5).
15- годишната тенисерка лошо го почна натпреварот губејќи го првиот сет со 6-3. Во вториот сет Херцог продолжи со одличната серија стигајќи до предност од 5-2. Во следните два гема Гоф успеа да спаси две меч топки и да го одведе вториот сет во тај-брејк кој го доби со 9-7.
Во одлучувачкиот трет сет продолжи борбата до 12 гем, кога Гоф успеа да направи брејк кој значеше и конечна победа од 7-5. Во осминафиналето таа ќе се сретне со Романката Симона Халеп.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
