Реал Мадрид вечерва ќе му гостува на Манчестер сити на „Етихад“ во првиот натпревар од полуфиналниот двомеч во Лигата на шампионите. По елиминацијата на Пари Сен Жермен и Челси, „кралевите“ имаат мисија да го совладаат и лидерот во англиската Премиер-лига.
Tренерот на клубот од „Сантијаго Бернабеу“, Карло Анчелоти вели дека досега елиминирале два од најголемите фаворити за освојување на елитата, а одат истото да го направат и против „граѓаните“ кои според него се први фаворити за трофејот.
„Луѓето велат дека во полуфиналето се две екипи за кои никој не веруваше дека ќе стигнат до тука, Реал Мадрид и Вилјареал. Но, еве не нас во полуфиналето. Реак секогаш ќе се натпреварува. Близу сме до уште едно финале во најважното натпреварување во светот и сум загрижен бидејќи играме против многу силен клуб. Досега ги добивме сите фаворити, одиме да го направиме истото и против Манчестер сити“, изјави Анчелоти.
Натпреварот кој ќе се игра на „Етихад“ е закажан за 21 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
