Лука Модриќ и Тони Крос првиот натпревар во првенството на Шпанија против Атлетик Билбао го стартуваа од клупата за резерви. Во почетниот состав се најдоа Чуамени, Валверде, Камавинга и Белингем.
Крос влезе во игра во 71. минута, а Модриќ девет минути подоцна. Новинарите на прес-конференцијата ги интересираше дали ова значи дека двоецот кој „владее“ со Реал во последните години, го загубија местото во тимот, по што Анчелоти одговори.
„Не можам да кажам дека Крос и Модриќ нема да бидат стартери оваа сезона. Не можам да кажам ни дека ќе бидат. Едноставно, тоа што беа на клупата не мора ништо да значи“, рече Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
