Реал Мадрид приреди неверојатен камбек на „Енфилд“ во првиот осминафинален натпревар против Ливерпул во Лигата на Шампиони. Шпанскиот гигант по само 15 минути игра имаше негатива од 2-0, но до крајот на натпреварот успеа да постигне пет гола во мрежата на Алисон за убедлива победа.
Карло Анчелоти не го криеше задоволството од победата, но додаде дека реваншот кој е закажан за 15. март во главниот град на Шпанија ќе биде уште потежок.
„Не е лесно да победите ваков натпревар по таков лош почеток. Сепак, не ја изгубивме самодовербата во ниеден момент и чекор по чекор ја превземавме контролата. Бевме ефикасни во нападот, Вини имаше неверојатен натпревар. Но, ова е само првиот натпревар во реваншот не очекува уште потежок натпревар па мораме да бидеме подготвени“, изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
