Македонскиот фудбалски стратег, Влатко Андоновски и Соединетите Американски Држави ги добија противниците за Светското првенство во фудбал кое следната година ќе се игра во Австралија и Нов Зеланд.
На првиот женски мундијал на кој ќе настапат 32 репрезентации, САД се најде во групата Е заедно со селекциите на Холандија со која играа во финалето на минатиот шампионат, Виетнам и победникот од плеј-оф турнирот во кој ќе играат Камерун, Тајланд и Португалија.
Андоновски ќе има тешка задача на овој мундијал на кој од него ќе се очекува да ги одведе Американките до трето злато во низа на СП.
Шампионатот својот старт ќе го има на 20. јули во Оукленд со мечот меѓу Нов Зеланд и Норвешка, додека финалето ќе се игра еден месец подоцна во Сиднеј.
ЖДРЕБ СП 2023 АВСТРАЛИЈА/НОВ ЗЕЛАНД
А група: Нов Зеланд, Норвешка, Швајцарија, Филипини
Б група: Австралија, Канада, Р. Ирска, Нигерија
Ц група: Шпанија, Јапонија, Коста Рика, Замбија
Д група: Англија, Кина, Данска, (Чиле, Сенегал, Хаити)
Е група: САД, Холандија, Виетнам, (Камерун, Тајланд, Португалија)
Ф група: Франција, Бразил, Јамајка, (Тајпеј, Парагвај, Папуа Нова Гвинеја и Панама)
Г група: Шведска, Италија, Аргентина, Ј. Африка
Х група: Германија, Ј. Кореја, Колумбија, Мароко
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
