ЕКИПА во Варшава,
Владимир Булатовиќ
Фудбалската репрезентација на Македонија не успеа да ја освои Варшава, потклекна во финишот на дуелот со Полска и загуби со 2-0. Со тоа се загубени и реалните шанси за пласман на ЕП 2020 преку групата. Селекторот Игор Ангеловски вели дека сепак пресуди искуството и квалитетот на полскиот состав.
„Немам никакви забелешки за фудбалерите. Им честитам на Полјаците за победата, ние се обидовме со многу борба да ги дополниме отсуствата во тимот. Пресуди искуството и квалитетот на Полска, која постигна гол во моменти кога се ослободивме од притисокот. Не чекаат уште два натпревари во овие квалификации, и ќе ги искористиме да завршиме што подобро на табелата. Австрија и Израел сега ќе ни бидат како подготовка за она што не чека во Лигата на нациите следната година“, изјави селекторот Игор Ангеловски на прес – конференцијата по мечот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
