Македонија, сосема очекувано, главно со истите сили од претходниот септемвриски собир ќе им се спротистави на Словенија (10. октомври во Скопје) и на Полска (13. октомври во Варшава) во новиот квалификациски мини-циклус овој месец.
Селекторот Игор Ангеловски верува дека неговите избраници ќе одиграат квалитетни натпревари во битката за водечките позиции на табелата во групата.
„Списокот не е многу променет, го нема Дарко Велковски, а се враќаат Тошевски и Стефан Ристовски. Бејтулаи нема право на настап на првиот меч против Словенија но ќе биде во комбинација за средбата со Полска, а Барди е повреден но ќе го чекаме до последен момент“ – истакна Ангеловски, притоа дополнувајќи:
„Верувам дека тимот ќе го издржи овој мини циклус, уживаме што сме во ситуација да се бориме за позициите горе во групата. Најважно е да сме фокусирани, да го имаме нашето најдобро издание и да оствариме победа. Мислам дека можеме тоа да го оствариме“.
Собирот на репрезентативците е закажан за 7. октомври кога стартуваат подготовките во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
