Хрватскиот репрезентативец Лука Модриќ останува во Реал Мадрид, објави шпански АС. Иако со денови се поврзува со Интер, како што тврди АС, тој денеска по средбата со Флорентино Перез и дефинитивно одлучил да остане во Реал.
„Лука одлучи… Останува. Него го раздрма понудата од Интер кој му нудеше четири години во Милано и уште две години во Кина, но од извори блиски на Модриќ дознаваме дека по разговорот со семејството одлучил да остане во Реал “ – тврди АС.
Во Реал Мадрид заработува шест и пол милиони евра по сезона, додека Интер му нудеше 10 милиони евра и договор на шест години. Во Реал има само уште две години важечки договор. Но, од „кралскиот клуб“ сега се подготвени да му ја зголемат платата и да ја донесат на ниво од Герет Бејл и Серхио Рамос кои имаат по 11 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
