Првиот тенисер на светот, Данил Медведев од Русија, би можел да биде исфрлен од сите тениски турнири, вклучувајќи ги и Гренд Слемовите. Ова го јавува тиражниот „АС“, потпирајќи се на барањето на претседателот на тенискиот сојуз на Украина Сава Кевлич ИТФ да ги исфрли сите руски тенисери и тенисерски од сите натпреварувања.
Минатата недела Интернационалната тениска федерација ги откажа сите турнири во Русија и Белорусија, а наводно предлогот да се исфрлат и тенисерите се разгледува. Медведев и неговиот колега Андреј Рубљов испратија антивоени пораки пред неколку дена.
Медведев ја осуди инвазијата на Русија врз Украина.
„Да гледате вести за војна и да се биде тука во Мексико не е лесно. Како тенисер сакам да го промовирам мирот во светот. Играме во толку различни земји и бев во многу држави и како јуниор и професионалец. Не е лесно да се слушаат такви вести. Јас сум за мир“, рече Русинот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
