Италијанскиот калчолигаш Аталанта пронајде ново засилување во Русија. Тимот од Бергамо ќе се засили со напаѓачот на Локомотив Москва, Алексеј Миранчук. Тој ќе потпише тригодишен договор и треба да биде замена за Дуван Запата, за кого се интересираат неколку големи европски клубови, а најблиску е до трансфер во Јувентус.
Аталанта ќе исплати отштета од 14,5 милиони евра на Локомотив Москва, а напаѓачот ќе заработува околу 4 милиони евра по сезона.
Миранчук е руски репрезентативец и на 25 настапи за „зборнаја“ има постигнато пет погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА