Навивачите на Атлетико Мадрид имаат причина за славје откако шпанскиот шампион денеска го офијализираше новиот договор со Диего Симеоне.
Поранешниот фудбалер на Атлетико веќе десет години е на чело на стручниот штаб на „јорганџиите“, тим со кој освои неколку пехари во Лигата на Европа, загуби две финалиња во ЛШ, но неколку пати и успеа да ги симне Реал Мадрид и Барселона од тронот на шпанскиот фудбал во Ла Лига.
Според новиот договор, Симеоне ќе остане тренер на Атлетико до јуни 2024 година, а заедно со него соработката со клубот ја продолжија и сите членови на стручниот штаб на Аргентинецот.
Диего Симеоне е тренерот со најдолг стаж во историјата на мадридскиот клуб, кој воедно и има и најмногу победи на чело на Атлетико, вкупно 316.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
