Искусниот македонски стратег Аце Станковски повеќе не е прв тренер на суперлигашот МРК Куманово откако си поднесе оставка на кормилото на клубот.
Засега позицијата прв тренер на МРК Куманово ќе ја преземе Љубиша Димковски кој минатата сезона го водеше тимот до опстанок во македонскиот машки ракометен шампионат, пренесуваат од клубот.
„МРК Куманово му се заблагодарува на Аце Станковски на досегашната соработка и негов ангажман и му посакува среќа и успех во неговата понатамошна професионална кариера и работа“, стои во соопштението на суперлигашот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
