Audi Q5 е добитник на наградата „Златен Волан“ за 2017 година

Audi Q5 е добитник на наградата „Златен Волан“ за 2017 година во категоријата за голем SUV. Пред изборот, читателите на германското списание Auto Bild, неговите 20 европски сестрински публикации и германскиот весник Bild am Sonntag ги утврдија номинациите од новите автомобили презентирани во 2017 година. Меѓународен панел на експерти го круниса победникот од овие номинации. Питер Мертенс, член на Одборот за технички развој на AUDI AG, ја прифати наградата за Audi Q5 во вторникот вечер во Берлин.

Вкупно 42 модели се натпреваруваа во пет категории на овогодинешниот натпревар за наградата „Златен Волан”. По истражувањето на читателите во Европа, 20 автомобили го направија последниот круг и беа оценети од страна на експертите: тркачи, инженери, дизајнери, специјалисти, чести возачи, критичари и, најважно, главни уредници на сите европски сестри публикации на Auto Bild. Тие ги тестираа финалистите и одлучија кој ќе победи и ќе го освои посакуваниот трофеј. Audi Q5 победи против седум други конкуренти во категоријата за голем SUV. „Експертизата и широкиот пресек на мислења што ги претставува комисијата на жирито, како и нејзиниот углед низ цела Европа, се она што ја направи наградата толку посакувана во нашата индустрија. „Златниот волан” за 2017 година за новиот Audi Q5 покажува дека сме создале достоен наследник на успешната прва генерација на оваа линија на SUV возило. Ние сме горди на оваа награда “, рече Питер Мертенс на церемонијата на доделување на наградата во Берлин.

Новиот Audi Q5 беше лансиран на почетокот на годината. Втората генерација на најдобро продаваното Audi има воспоставено неколку нови стандарди во Б сегментот на премиум SUV. Најдобар коефициент на влечење во конкуренција, конзистентен лесен дизајн и современи мотори обезбедуваат висока ефикасност, како и новиот Quattro погонски систем со ултра технологија. Покрај тоа, новиот Audi Q5 нуди широко портфолио на нови системи за асистирање на возачот, модерен инфо-забавен систем и опрема за поврзување, како и воздушна суспензија со контрола на амортизерите.

Комерцијален текст

 

Се вчитува...