Токму кога се чинеше дека сè е решено и ќе гледаме тениско лето во Австралија, се појави нова пречка – најавена е потенцијална тужба од сопствениците на апартмани до управата на хотелот „Вестин Мелбурн“, место кое е планирано да бидат сместени тенисерите кои треба да поминат двонеделен карантин, откако ќе пристигнат во Мелбурн.
Сопствениците на станови и апартмани, кои се закупени и се наоѓаат во самиот хотел, сметаат дека доаѓањето на стотици луѓе од целиот свет претставува неприфатлив ризик за нив и пошироката заедница во време на пандемија. Тие го обвинуваат управувањето на хотелот за недостаток на консултации со сопствениците на становите, и планираат тужба до Врховниот суд.
„Неверојатно и арогантно е што тие поставија ваква заседа за нас. Ако сме подготвени да преземеме голем ризик и да го организираме Австралија опен, тогаш тоа мора да се направи на најбезбеден начин – Ова е хотел во кој се наоѓаат приватни апартмани. Ова не е единствениот хотел во Мелбурн “, рече Марк Николсон, еден од сопствениците.
Во соопштението се наведува дека не станува збор за барање пари, како и дека сопствениците ќе побараат да се најде алтернативна локација за сместување на тенисерите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА