Шефот на стручниот штаб на Вардар, Бобан Бабунски, ги искажа своите импресии по вчерашниот ждреб на УЕФА, кој го додели ерменскиот клуб Пјуник за противник на „црвено-црните“ во првото квалификациско коло од Лигата на Европа. Тој вели дека респект кон ривалот постои, но вардарци веруваат во своите квалитети.
„Нема слаби противници, знаејќи го квалитетот на ерменските интернационалци Хамбарџумјан и на Барсегјан кои беа и се главни играчи во Вардар, нашиот противник сигурно ќе го има нашиот респект. Треба да ја гледаме нашата игра и идеја која ја спроведуваме на овие подготовки, и потоа да ја играме на двата натпревари. Од играчите ќе барам да бидат максимално подготовени, и да веруваат во своите квалитети како би ја минале првата пречка во Европа“, вели Бобан Бабунски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
