Давид Бабунски не го крие задоволството од одличните резултати на Вардар во досегашниот дел од сезоната, во која „црвено-црните“ се наметнаа како главни кандидати за шампионската титула.
Одличниот плејмејкер кој потекнува од младинската школа на Барселона имаше краток видео-разговор за официјалната веб-страница на Вардар, во кој говореше и за семејната поврзаност со најтрофејниот македонски фудбалски колектив.
„Искрено многу ми е мило што сум дел од Вардар, клуб кој има посебно значење за моето семејство и дрес што мојот татко го носеше како играч. Вардар е најголемиот клуб во Македонија и ме радува што повторно чекори кон местото што му припаѓа. Работите се движат во добра насока, среќен сум што сум дел од тој процес и се трудам да дадам максимум и да придонесам со нешто вредно во ова што се создава“, истакна Давид Бабунски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
