Македонскиот репрезентативец Доријан Бабунски игра во извонредна форма во дресот на Ботев Враца постигнувајќи нови два погодоци за триумф од 2-4 на својот тим на гостувањето против Локомотив Пловдив во 19. коло од бугарскиот шампионат.
Бабунски го отвори резултатот уште во 10. минута од пенал, а потоа погоди и во 48. минута за 1-3 во тие моменти.
Со најновите два гола, Бабунски е на бројката од десет погодоци низ досегашниот тек од шампионатот на Бугарија, издвојувајќи се како еден од најдобрите стрелци во лигата.
Како што е познато, дел од најдобрите бугарски клубови веќе испратија понуди за ангажман на Бабунски во зимскиот преоден рок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА