Баерн Минхен ја чекираше Барселона во Лигата на Европа откако ја совлада со 3-0 во последното коло од групната фаза во Лигата на шампионите. Томас Милер, Лирој Сане и Џамал Мусала беа стрелци на погодоците за Баварците во новиот триумф против еден од „пациентите“ последните години.
Бенфика го искористи поразот на Барселона и со победа од 2-0 над Динамо Киев успеа да се пласира во нок-аут фазата во елитното натпреварување. Јаремчук и Жилберто уште во првите дваесет минути ги решија сите дилеми околу победникот.
Од лудата Г група пласман во осминафиналето обезбедија Лил и Салцбург. Лил славеше на гостувањето кај Волсфбург со убедливи 1-3, додека Салцбург беше подобар од Севилја со 1-0. Шпанскиот тим ќе продолжи во „омилената“ Лига на Европа, додека Волфсбург ги заврши настапите во Европа сезонава.
РЕЗУЛТАТИ ЛШ 6. КОЛО:
Баерн М. – Барселона 3-0
Бенфика – Динамо К. 2-0
Манчестер Ј. – Јанг Бојс 1-1
Салцбург – Севилја 1-0
Волфсбург – Лил 1-3
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА