Александар Таневски вчера поднесе оставка од местото шеф на стручен штаб на Македонија ЃП. По поразот од Брегалница, Таневски се реши да го напушти кормилото, а јасно е кој ќе ја води екипата, најмалку на следниот натпревар со Академија Пандев во Купот.
Раководството на клубот се реши да им ја даде довербата на Муарем Бајрами и на Тони Џангаровски. Добро ја познаваат екипата со оглед дека му беа асистенти на Таневски на клупата на тимот од Ѓорче Петров.
Двајцата ќе ја водат екипата и во среда на Куп дуелот со Академија Пандев, а можеби и понатаму, во зависност од тоа како ќе оди резултатски и како ќе се движи потрагата по нов „шеф“.
„Лавовите“ се пет натпревари во серија без победа во ПМФЛ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА