Филип Бакоч би требало да биде најновото засилување на Работнички откако крилниот кошаркар постигнал начелна согласност за соработка со најтрофејниот македонски кошаркарски колектив.
Бакоч по настапите за Еуро Никел и за МЗТ Скопје ланската сезона ја мина во дресот на Академија ФМП, но по заминувањето на речиси сите членови на оваа екипа беше само прашање на време кога и овој кошаркар ќе ја промени средината. За неговите услуги се интересираа неколку македонски прволигаши, но тој на крајот се реши да остане во Скопје и ја прифати понудата на Работнички, договор што би требало да биде официјализиран во следните денови.
Тој е второто засилување што Работнички го доведе од Академија ФМП, откако „центарци“ уште пред околу еден месец го ангажираа и центарот Леонид Тодоровски.
Во меѓувреме, тренерот Мираковски и директорот Веселиновски договорија и три странски засилувања, Американците Нотиџ и Крафорд и црногорскиот интернационалец Мариновиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
