Поради тоа што теренот на стадионот „Фадил Вокри“ во Приштина е во лоша состојба, косовскиот тим Балкани ќе игра на друг терен против Викторија Плзен во 5. коло во Лигата на Конференции.
УЕФА донесе ваква одлука после натпреварот Косово – Израел, каде што теренот беше катастрофален, па така му наложи на косовскиот шампион да бара друг терен да го игра овој натпревар.
Раководството на Балкани веднаш реагираше, и мечот ќе биде одигран во Тирана, на стадионот „Ер Албанија“ кој е изграден 2019 година и прима 22 илјади гледачи. На него домашните мечеви ги игра албанската репрезентација, која пред неколку дена прослави пласман на ЕВРО 2024.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА