Леванте продолжува со напорите да продаде фудбалери за најмалку 10,5 милиони евра до крајот на овој месец, со што шпанскиот клуб би ја задржал финансиската ликвидност и по испаѓањето од елитното друштво.
Енис Барди е на врвот на листата на играчи кои ќе си заминат, но Леванте се мачи да најде купец што ќе ги задоволи финансиските барања и на клубот и на македонскиот репрезентативец. Како што обелодени спортскиот директор Фелипе Минамбрес, Барди неодамна добил понуда за преселба во САД, во МЛС-лигата, но истата беше експресно одбиена.
„За Енис Барди добивме понуда од МЛС-лигата. Тој нема да замине во САД бидејќи веднаш ја одби добиената понуда“, истакна Минамбрес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
