Фудбалскиот репрезентативец на Македонија, Енис Барди за косовските медиуми говореше за претстојниот натпревар во баражот за пласман на Европското првенство 2020 година кој ќе се игра меѓу репрезентациите на Македонија и Косов.
„Не чека тежок натпревар со Косово. За мене тоа ќе биде многу емотивен меч. Мојата мајка е од Косово, но на терен ќе играм за Македонија и ќе дадам се од себе да победиме. Македонија ми даде шанса на 19 години да дебитирам и јас сум и благодарен, како и на сите луѓе кои ми помогнаа. Главната сила на Македонија не сум само јас, тука се и Елмас, Пандев, Алиоски и други. Ќе биде забавно и се надевам дека нема да има неспортски работи, бидејќи спортот треба да ги спојува луѓето“, изјави Барди.
Барди ги помина сите младински репрезентации на Македонија, а на А-тимот е член од 2015 година, период во кој досега запиша 27 настапи на кои постигна 5 гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
