Македонскиот репрезентативец Енис Барди е прогласен за играч на мечот меѓу Леванте и Ла Коруња, на кој со прекрасен погодок од слободен удар партиципираше во ремито од 2-2.
Според безмалку сите шпански известувачи од натпреварот, Барди е убедливо најзаслужниот за ремито на Леванте и покрај негативата од 0-2 уште во раната фаза од средбата. Согласно статистиката, за 85 минути игра, македонскиот репрезентативец покрај погодокот имаше уште четири шута кон противничкиот гол, седум клучни додавања, вкупно 40 додавања со 93% прецизност и истрчани 11 километри. Убедливо најмногу меѓу сите играчи на терен…
„Енис Барди веќе ја освои и Валенсија, новиот миленик на навивачите на Леванте… Веќе од сега е јасно дека ќе биде хит сезонава во Шпанија, вистинско освежување. Веќе докажа дека сигурно е еден од најдобрите изведувачи на слободни удари во Европа“ – пишува шпански „АС“.
Enis Bardhi pulled one back for Levante and it was beautiful
4️⃣1️⃣ – Levante 1-2 La Coruna
— Analyse Football (@AnalyseFootball) August 26, 2017
Членот на Леванте во одлична форма од утре се приклучува на подготовките на репрезентацијата за двата квалификациски натпревари, против Израел на 2. септември во Хаифа и против Албанија на 5. септември во Струмица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
