Барселона летово остана без Дика Мем, но каталонскиот гигант успева да ги задржи останатите клучни играчи од ростерот што стигна до титулата европски првак пред десетина дена.
По Лудовик Фабрегас и Тимоти Нгесан, нов договор со Барса денеска потпиша и Блаж Јанц, извонредниот словенечки ракометар кој е важна алка во составот на тренерот Ортега.
За Јанц имаше понуди од уште неколку клубови од Лигата на Шампионите, но Словенецот не ја криеше желбата да остане во Барса и потпиша нов договор, со важност до јуни 2030 година.
Словенецот, кој одлично се снаоѓа и како десен бек и како десно крило, кариерата ја почна во тимот на Целје каде насапуваше до 2017 година,кога се пресели во Киелце.
Тој е член на Барселона од 2020 година и веќе освои четири титули европски првак со каталонскиот гигант.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
