Барселона неколку дена по освоениот трофеј во Лигата на Шампионите успеа повторно да ги израдува фановите, овојпат со потпис на важен првотимец.
Тимотеј Нгесан ќе продолжи да ги брани боите на каталонскиот гигант до јуни 2029 година откако беше постигнат договор за продолжување на соработката. Левиот бек имаше договор со Барселона и за наредната сезона, но каталонците инсистираа на уште подолга соработка и задржување на францускиот ас како лидер на тимот, особено по заминувањето на неговиот сонародник Дика Мем.
„Сакам да ја завршам кариерата овде. Го минав речиси целиот живот во Барселона, пензионирање овде би било исполнување на сонот. Мојот сон продолжува со овој нов договор, се надевам дека ќе освоиме уште многу титули заедно“, изјави Нгесан, кој е член на Барселона од 2016 година, кога пристигна од екипата на Шамбери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
