Каталонскиот великан Барселона стигна до нова победа во Евролигата, откако ја декласираше израелската гордост Макаби Тел Авив со 96-73.
Израелците одиграа одлично прво полувреме во кое добрата игра ја материјализараа со предност на полувреме од 43-46. Сепак, на паузата Светислав Пешиќ успеа да ги разбуди своите избраници кои одиграа неверојатна трета четвртина во која постигнаа 31 поен и стигнаа до предност од 74-66. Доминацијата продолжи и во последниот период во кој на крајот стигнаа до убедлива победа од 96-73.
Никола Миротиќ забележа дабл-дабл учинок од 25 поени и 15 скока, додека Кори Хигинс натпреварот го заврши со 15 поени. Кај поразените се истакна Тајлер Дорси со 15 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
