Фиорентина има нов сопственик, американскиот тајкун Рок Комис, кој веќе го ангажираше Габриел Батистута како спортски директор. Легендарниот голгетер прво сака да доведе нов напаѓач на „Артемио Франки“, а изборот е сведен на Гонзало Игуаин или Марио Балотели.
Аргентинецот го напушти Челси и се враќа во Јувентус каде повторно ќе соработува со Маурицио Сари, но Батистута се надева дека може да го убеди да биде прва виолина во реновираниот тим на Фиорентина. Можно е повторно да дојде на позајмица за една сезона.
Втората опција е Марио Балотели, кој би сакал да се врати во Серија А. Контроверзниот напаѓач веќе подолг период е надвор од Италија и би сакал да се врати на „чизмата“. Тој има контакти и со Парма, но новиот проект на тимот од Фиренца делува привлечно.
Батистута е сериозен во преговорите, се надева дека во најдобар случај би можел да ги обезбеди и двајцата во тандем да го облечат дресот на Фиорентина за новата сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА