Најдобриот велшки фудбалер Герет Бејл ја прoдолжува сагата и играта не нерви околу останувањето во Реал Мадрид. Тој не сака да си замине од „кралскиот клуб“ и покрај тоа што е во немилост на тренерот Зиндеин Зидан кој не крие дека Бејл е непотребен за неговиот тим. Дополнителен проблем за клубот е и особено високата плата која ја добива.
Договорот со „кралевите“ на Бејл му истекува во 2022 година и тој често потенцира дека планира да остане до крај во Мадрид. Бејл на „Сантијаго Бернабеу“ стигна во 2013. година. За клубот запиша 249 натпревари на кои постигна 105 гола и четири пати ја освојуваше Лигата на шампионите.
Шпанските медиуми пред неколку дена шпекулираа дека сериозно заинтересиран за Бејл е Њукасл, премиерлигашот кој треба да добие нов сопственик.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА