Беласица изненадувачки, а можеби и не, го совлада шампионот Шкендија со 2-1 на стадионот „Младост“ во Струмица. Тимот на Ќатип Османи ниту од далеку не изгледаше шампионски, со многу експерименти, а тоа Беласица веднаш го искористи. Пепи Георгиев во петтата минута донесе водство за струмичкиот состав, а Егзон Бејтулаи во 64.минута си постигна автогол. Шефити намали на 2-1 во 70.минута, но тоа беше се од Шкендија.
Вардар славеше на гости во Ѓорче Петров против Македонија ЃП со 0-2. Стрелец на двата гола за Вардар беше младиот напаѓач Бојан Колевски во 41. и во 88.минута од натпреварот.
Работнички загуби на домашен терен од последнопласираната Победа со 1-2. Емил Вијачки во 12.минута ги доведе „романтичарите“ во водство, Баже Илијоски на почетокот на вториот дел не реализира пенал, а потоа дојде пресвртот. Во 74.минута, Трајче Ефремов ја искористи големата грешка на одбраната на домаќинот и израмни на 1-1, а две минути подоцна Ангелче Тимовски погоди за триумф на прилепчани.
Ренова го совлада Силекс со 1-0. Бојан Миовски беше стрелец за „гипсарите“ во петтата минута од дуелот.
Шкупи го совлада тимот на Академија Пандев со 1-0. Бесар Исени во 86.минута успеа да ја погоди мрежата на гостите.
ПРВА ЛИГА, 30.КОЛО – РЕЗУЛТАТИ
БЕЛАСИЦА – ШКЕНДИЈА 2-1
МАКЕДОНИЈА ЃП – ВАРДАР 0-2
РАБОТНИЧКИ – ПОБЕДА 1-2
РЕНОВА – СИЛЕКС 1-0
ШКУПИ – АКАДЕМИЈА ПАНДЕВ 1-0
Табела: Шкендија 66, Вардар 57, Академија Пандев 47, Шкупи 42, Ренова 39, Работнички 39, Македонија ЃП 35, Силекс 31, Беласица 30, Победа 23.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
