Карим Бензема со првиот од двата погодоци во Плзен влезе во „ексклузивниот Клуб 200“ со играчи кои постигнале најмалку 200 погодоци во дресот на Реал Мадрид.
Французинот е само седми играч во историјата на најтрофејниот европски клуб што стигнува до оваа бројка, апсолутен рекордер е Кристијано Роналдо со 451 гол, а зад него се наоѓаат уште и Раул со 323, Ди Стефано со 308, Сантилјана со 287, Пушкаш со 237 и Мексиканецот Хуго Санчез со 208 погодоци.
Воедно, Бензема го мина Руд ван Нистелрој и сега е трет најдобар стрелец во историјата на Лигата на шампионите, со 57 погодоци во елитното европско натпреварување, зад Роналдо со 120 и Меси со 105.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
