Саидо Берахино пред две години беше на чекор до трансфер во Манчестер сити, но на крајот се одлучи за Стоук и сега настапува во Чемпионшип дивизијата. Поранешниот соиграч на Горан Попов од Вест Бромвич Албион има постигнато само еден гол во изминатите 913 денови, но затоа „забива“ во приватниот живот. Но, и тоа му се удри од глава.
Берахино е на мака, со оглед дека доби хет трик од бебиња во изминативе неколку месеци, и тоа од три различни жени. Фудбалерот кој потекнува од Бурунди сега не знае на која жена и на кое бебе побрзо да се посвети.
Првата мајка е неговата поранешна вереница Стефанија Кристофору (27), која се породи на 30 мај и на свет го донесе првиот син Коста. Според англиските медиуми, Берахино ја откажал свадбата со Стефанија на Денот на вљубените, откако двајцата имале жестока караница.
Втората мајка е негова девојка од детството, чие име не се споменува во медиумите. Таа работи како медецинска сестра и на 15 јули родила девојче. Само два дена подоцна, се породи и неговата сегашна девојка, Челси Лавлејс, која исто така на свет донесе девојче, Анија – Мари Лавлејс – Берахино.
Од овие маки, Саидо Берахино не може комплетно да се фокусира на фудбалот. Трпи неговата кариера, а тој никако не може да постигне гол…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА