Пред една година Силвио Берлускони го продаде Милан по 31 година како сопственик на клубот. Италијанскиот политичар тврдеше дека не може повеќе да се натпреварува со богатите европски клубови, а на Милан му е неопходен нов сопственик кој ќе го врати во светскиот врв.
По долг процес на крај кинески конзорциум го купи за 740 милиони евра, а Берлускони отстапи по 29 освоени трофеи со великанот од „Сан Сиро“.
Но, и покрај вложувањата на Кинезите од 231,2 милиони евра на нови засилувања, за Милан воопшто не „цветаат рози“. И натаму е далеку од врвот во Италија, а не пак да се бори за самиот европски врв.
Сето тоа значи дека Кинезите би можеле да го продадат Милан, а меѓу заинтересираните и е токму Силвио Берлускони, кој сензационално најави дека повторно би можел да го купи клубот.
„На изборите во Италија, мојата ‘Форца Италија’ освои само 14,5% од гласовите. По истражувањата дојдовме дека една од главните причини за тоа е што го продадов Милан. Навивачите на клубот сметаат дека го продадов Милан и си ги однесов парите дома, и дека јас сум виновникот за еден ваков Милан“ – вели Берлускони и дополнува:
„Ако вака се продолжи, порано или подоцна ќе го купам Милан“ – категоричен е 82-годишниот Силвио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
