Македонскиот претставник во БИБЛ лигата, Академија ФМП нема да по добро да ја помни турнејата во Израел. Откако доживеа убедлив пораз од Галил Ејлон, денеска скопскиот состав загуби и од Макаби Хаифа со убедливи 95-73.
Домашниот тим текот на натпреварот го назначи уште од самото отварање кога по 10. минути игра на семафорот стоеше и предност од десет поени (24-14), за истата да се зголеми на +16 (49-33) на полувремето. Ритамот на израелскиот тим падна на отварањето на второто полувреме па избраниците на Петровиќ успеаја да ја намалат негативата на 12 поени (57-45), но искусниот тим веднаш ги консолидираше своите редови и ја врати високата предност (79-56) што значеше и крај на надежите на „академиците“.
Стефан Крстајиќ беше најрасположен во македонскиот состав со 16 поени и 4 асистенции, додека него го следеше Лука Стојановски со 14 поени и 3 асистенции. Еден поен помалку забележа Леонид Тодоровски кој додаде и 6 скока, додека како двоцифрен со 11 поени на кои додаде и 5 скока и 4 асистенции мечот го заврши Ајви.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
