Сите билети кои беа пуштени во продажба за квалификацискиот меч меѓу Македонија и Германија се експресно распродадени, со што нашите фудбалери ќе имаат голема поддршка од трибините на дуелот со светскиот фудбалски гигант.
„Билетите за натпреварот Македонија – Германија се распродадени. Навивајте за Македонија“, објави Фудбалската Федерација на Македонија.
Согласно препораките, дозволено е присуство на 50% од вкупниот капацитет на арената, а дозволено е присуство единствено со приложување на еден од следните документи:
– Сертификат/потврда за извршена имунизација (вакцинација) од вирусот Ковид-19, односно примена најмалку прва доза на вакцина против заразната болест
– Сертификат/потврда за прележан Ковид-19 во последните 45 дена, сметајќи од денот на оздравувањето.
Билетите за натпреварот Македонија – Германија се распродадени!
Навивајте за Македонија. pic.twitter.com/KyaMSXL6jP
— FFM (@ffmmkd) October 7, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА