Фудбалската федерација на Македонија одреди популарна цена на влезниците за последниот квалификациски натпревар што националниот тим ќе го одигра на допмашен терен во циклусот за ЕВРО 2020, против Израел на 19 ноември. Фановите за цена од 150 денари ќе можат да ги бодрат најдобрите македонски фудбалери, а билетите можат да се набават преку продажната мрежа на „mktickets“.
Националниот тим од вчера ги почна подготовките за овој мини-циклус, денеска ќе се приклучат Горан Пандев, Енис Барди, Илија Несторовски и Столе Димитриевски, а в сабота фудбалскиот национален тим ќе игра против Австрија во Виена. Три дена подоцна Македонија на Националната арена „Тодор Проески“ ќе ја пречека селекцијата на Израел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
