Лудата завршница од дуелот меѓу ПСЖ и Манчестер Јунајтед за малку ќе довела до сериозен инцидент на трибините, откако таткото на Нејмар ја прескокнал оградата од ложата каде што седел и тргнал да се пресмета со Ерик Кантона и неговите пријатели.
Кантона бил на „Паркот на принцовите“ како дел од делегацијата на Манчестер Јунајтед и разбирливо славел со своите пријатели откако Рашфорд погоди за 1-3 и го елиминираше францускиот првак. Нервозата во таборот на домаќините била огромна, а нервите прв ги загубил таткото на Нејмар. Додека неговиот син се спуштал долу кон соблекувалните и влегол во конфликт со судиите, „Нејмар Сениор“ тргнал кон Кантона и неговото друштво.
Бразилецот дури и турнал еден од пријателите на француската фудбалска легенда, но за среќа реагирало обезбедувањето, спречувајќи уште посериоззен инцидент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
