Три интересни натпревари се играа денеска во рамките од Бизнис-лигата.
Во меч со 15 гола, славеше Уника
Уника 10-5(5-2) Раде Кончар
Уника: Љуљзим Каштањева 5’ 37’ Ибиш Мисини 6’ Шабан Чупи 9’ 21’ 25’ Васко Кокаланов 10’ Арбен Нухиу 12’ Бенјамин Граинца 23’ Бесим Нухиу 23’Раде Кончар: Маријан Баждаров 11’ Стефан Ицковски 11’ Сашо Трпчевски 29’ 36’ Горан Наумоски 30’
Фуриозно второ полувреме на Рамстор
Уни Банка 1-6(1-1) Рамстор
Уни Банка: Васил Митровски 10’
Рамстор: Фурхан Муртезан 1’ 31’ 37’ Ведат Арслан 23’ 33’ 40’
Израмнето прво полувреме одигра Уни Банка и Рамстор. Екипата на Рамстор уште во првата минута го отвори резултатот преку Муртезан кој со шут од својата половина го изненади противничкиот голман, по ова водство екипата на Уни Банка тргна во офанзива и во 10 минута успеа да го изедначи резултатот. Играта во ова прво полувреме се одвиваше на средината на теренот без многу конкретни шанси за гол, се чекаше на грешка кај противникот. На полувремето се отиде со резултат од 1-1. Во второто полувреме Рамстор ја превзема иницијативата притисна во предно поле и успеа да го зголеми резултатот на 1-4, екипата на Уни Банка се обиде да возврати со голман-играч но со тоа остави дупки во одбраната кои Рамстор ги искористи за зголемување на водството и победа на овој дуел со резултат од 1-6.
Макпетрол со висок ритам на игра до победа над Гранит
Гранит 3-6(1-3) Макпетрол
Гранит: Пепи Мицев 5’ Сашо Каровски – Џуме 23’ 23’
Макпетрол: Александар Мишоски 2’ 3’ 35’ Мартин Дејаноски 16’ 28’ Христијан Мицевски 24’
Шестото коло од Бизнис Лигата на Македонија го отворија екипите на Гранит и Макпетрол. Во првото полувреме видовме интересен фудбал со многу шанси и на двете страни. Уште на самиот почеток екипата на Макпетрол наметна свој ритам на игра и во втората и третата минута од полувремето успеа да постигне два гола. Екипата на Гранит за брзо ги консолидира своите редови и минута подоцна успеа да го намали резултатот на 1-2. До крајот на полувремето екипата на Макпетрол успеа да постигне уште еден гол и на полувремето се отиде со резултат од 1-3. Во второто полувреме екипата на Гранит жестоко тргна кон противничкиот гол и на самиот почеток преку расположениот Каровски кој постигна два прекрасни гола и успеа да го изедначи резултатот на 3-3. Сепак екипата на Макпетрол со честа ротација на играта во финишот од полувремето успеа да направи разлика која беше недостижна за екипата на Гранит и го доби овој натпревар со 3-6.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА