Три интересни натпревари беа синоќа на програмата во рамките од Бизнис-лигата…
Вип со цврста одбрана и брз напад до победа над Уни Банка
Уни Банка 2-6(1-4) Вип
Уни Банка: Александар Кузинаков 24’ Ивица Орозовски 20’
Вип: Мартин Ангеловски 36’ Мартин Тодоровски 10’ 11’ 35’ Никола Спасевски 1’ 4’
Екипата на Вип имаше одличен старт во дуелот соУни Банка, на стартот на натпреварот во првата минута екипата на Вип го отвори резултатот со одличниот погодок на Спасевски. Овој рано примен погодок ја шокираше екипата на Уни Банка па до 11. минута примија уште три погодоци за високо водство на Вип од 0-4 До крајот на полувремето екипата на Уни Банка успеа да постигне погодок и да го намали високото водство на Вип на 1-4 на полувремето. На стартот на вториот дел тимот на Уни Банка се префрли во противничко поле и вршеше жесток притисок кон голот на Вип со цел да фати резултатски приклучок, но составот на Вип одлично ја постави својата одбрана и имаше целосна контрола врз играта и резултатот и не дозволи изненадување па го доби овој натпревар со 2-6.
Фабрика Карпош го доби трилерот со Систина
Фабрика Карпош – ГИМ 7-6 (2-0) Аџибадем Систина
Фабрика Карпош –ГИМ: Игор Николовски 39’ Кристијан Панев 16’ 25’ Георги Божиков 29’ 31’ 40’ Бејан Моукоч 19’
Аџибадем Систина: Далибор Дамјановиќ 24’ Кристијан Димковски 22’ 22’ 35’ 38’ Никола Малјановски 32’
Првиот дел од полувремето во дуелот помеѓу Фабрика Карпош и Аџибадем Систина помина во мирен ритам на игра, без многу шанси за погодок и двете екипи беа претпазливи, нивните играчи се обидуваа со соло акции и удари од далечина да направат нешто повеќе. Кон крајот на полувремето екипата на Фабрика Карпош – ГИМ успеа да реализира еден одличен контранапад за водство од 1-0. До финишот на полувремето тимот на Фабрика Карпош успеа да постигне уште еден гол и на паузата да замине со предност од 2-0. На стартот на второто полувреме екипата на Систина за само три минути успеа да постигне три погодоци и да направи целосен резултатски пресврт. Екипите наизменично се менуваа во водството, па во последните минути се влезе во неизвесна завршница во која екипата на Фабрика Карпош со гол во последната минута успеа да го добие натпреварот со резултат од 7-6.
Македонски Телеком со рутинирана игра до победа
Македонски Телеком 5-2(3-0) Сава Осигурување
Македонски Телеком: Агрон Пацоли 37’ Стефан Насков 2’ 6’ 16’ Марко Магдаленовски 36’
Сава Осигурување: Коста Глигуровски 31’ Данило Апостоловски 34’
Првото полувреме во дуелот помеѓу Македонски Телеком и Сава Осигурување и припадна на екипата на Телеком која уште на самиот старт ја превзеде иницијативата и со погодок во 2та минута го отвори резултатот. Во ова прво полувреме екипата на Телеком во своите редови го имаше расположениот Наскоски кој успеа да постигне 3 погодоци за водство од 3-0 до 16. минута. Екипата на Сава Осигурување со сите сили се обидуваше да го намали водството и да фати резултатски приклучок но во ова прво полувреме не успеваше да ја пронајде својата игра. Полувреме 3-0. Во второто полувреме тимот на Сава осигурување направи промена на тактиката и во игра внесе голман играч со што успеа да се доближи до еден гол негатива, но таквата отворена игра ја направи нивната одбрана ранлива, па Телеком знаеше тоа да го искористи за победа на овој дуел со резултат 5-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
