Кошаркарскиот клуб Пелистер и официјално го започна реконструирањето на играчкиот кадар за претстојната сезона 2026/27. По назначувањето на искусниот стратег Тане Спасев за нов шеф на стручниот штаб, битолскиот прволигаш го претстави и првото ново кошаркарско име во ростерот, Благој Димитриев.
За 26-годишниот кошаркар ова претставува своевидно враќање во Битола, со оглед на тоа што веќе го носеше „зелено-белиот“ дрес пред неколку сезони. Димитриев во Битола пристигнува од редовите на Тиквеш, каде што ги помина изминатите дванаесет месеци. Во својата досегашна кариера, тој има настапувано уште и за екипите на Ангели и Струмица.
Управата на КК Пелистер најавува дека потписот со Димитриев е само почеток на засилувањата, а во следните денови јавноста може да очекува официјализација на уште неколку нови кошаркари кои веќе ги договориле условите со клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
