Македонскиот репрезентативец Филип Кузмановски одигра уште еден брилијантен натпревар за Кувајт Клуб, но неговиот тим претрпе минимален пораз од Шарџа (30-29) во последното коло од групната фаза на Азискиот шампионат. И покрај неуспехот во драматичната завршница, кувајтскиот тим обезбеди пласман во полуфиналето на турнирот.
Кузмановски ја предводеше својата екипа и натпреварот го заврши како еден од најдобрите поединци со осум постигнати голови.
Кувајт Клуб веќе утре во полуфиналната битка ќе се соочи со тимот на Ал-Калиџ од Саудиска Арабија, каде настапува поранешниот ракометар на Вардар, Дмитро Хориха. Финалниот меч е закажан за 16. овој месец, а шампионот ќе обезбеди директен пласман на Светското клупско првенство (ИХФ Суперглоуб).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
