Милан календарската година ја заврши на најлош можен начин со гостински пораз од 5-0 од Аталанта. Раководството на клубот има уште време да реагира до крајот на сезоната и со засилувања да го поправи впечатокот во вториот дел од шампионатот.
Звонимир Бобан преку неколку интервјуа даде до знаење дека главната мета на клубот во јануарскиот преоден рок е Златан Ибрахимовиќ, но сега „Скај спортс“ пренесува дека Бобан ќе мора да оди на се или ништо. Па токму затоа се уште течат преговори со Барселона за Тодибо.
Каталонскиот тим е подготвен да го продаде, но остава на него да го одбере клубот каде ќе ја продолжи кариерата затоа што во моментов го бараат уште неколку европски гиганти, вклучувајќи го и Манчестер јунајтед. „Скај“ повторно потврдува и дека Ибрахимовиќ е на прагот на враќање во Милан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА