Македонската кошаркарска репрезентација на отварањето на квалификациите за пласман на Евробаскетот 2025 година ќе го одигра најважниот натпревар за исполнување на амбицијата – пласман на континенталниот собир по десет години пауза.
За противник избраниците на Александар Јончевски ќе ја имаат незгодната Естонија, репрезентација против која во последните пет меѓусебни натпревари забележавме четири порази. Естонците на 23. февруари во СРЦ „Кале“ ќе гостуваат со евролигашки кошаркари и кошаркари кои настапуваат во едни од најсилните првенства на „стариот континент“ па потребна е поддршка од преполната сала, поддршка од која што стравува и самиот естонски селектор Јука Тоијала.
Билетите кои се по цена од 250 денари од денеска се официјално пуштени во продажба на онлајн платформата „мктикетс“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
