Хрватска го заврши својот настап на Евробаскет 2017 во осминафиналето, откако загуби убедливо од Русија со 101-78. „Коцкестите“ се држеа две четвртини, но потоа имаа страшен пад во играта, а Алексеј Швед и другарите тоа знаеја да го искористат.
Бојан Богдановиќ, еден од најдобрите кошаркари на Хрватска, е комплетно разочаран од изданието на својот тим.
„Оваа селекција како да нема победнички карактер. Изгубивме без испукан куршум. Противникот ни даде над сто поени, а ние не направивме чесно ниту фаул. Ова е недозволиво, беше страшно, очајно… Со денови зборуваме дека ова ќе биде „Денот Д“, се палиме во соблекувална, а потоа излегуваме на терен и ни се случува ова“, изјави разочарано Бојан Богдановиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
