Екипата на Болоња е силно заинтересирана за Бојан Миовски. Италијанскиот тим се подготвува за „ера без Циркзе“, кој најверојатно ќе биде продаден на Манчестер Јунајтед, и затоа му треба напаѓач.
Според италијанските медиуми, Болоња подготвува сума од 2 милиони евра за потписот на македонскиот голгетер. Болоња ова лето добро ќе заработи, ќе ги продаде Калафиори и Циркзе, и ќе инкасира во касата некаде околу 70 милиони евра.
Оваа сума е далеку од посакуваната која Абердин ја бара за македонскиот интернационалец, а таа е меѓу 7 и 8 милиони. Сепак, се очекува шкотскиот тим да ја спушти цената и да стигне некаде меѓу 4 и 5 милиони евра.
Во меѓувреме шкотската легенда Алан Мекоист кажа дека Абердин треба да го задржи Миовски барем уште една сезона, и потоа да го продаде по повисока цена.
Aberdeen braced for Serie A interest in Bojan Miovski as Bologna lead racehttps://t.co/YDoNZEzRVB
— Aberdeen Live (@aberdeenlive_) July 9, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
